Etmaad

kisi ko koi haq nahi hai koi khayaal qayam karne ka...jub talak kisi ke ahwal se mukammal taur per waqif na hojaaye....aur kisi ka mukammal ahwal khud us ke siwa koi kaise jaan paayega...isliye izhaar-e-khayaal se parhez sud-mand hai...ab dekho...do dil bechaare gaye maare....ek shajar unsiyet ka lamhon ki dhoop may apni taazgi kho baitha hai...kitna hissas hota hai rishta etmaad ka...

Ajab ehsaas hai...kuch chut gaya ho jaise..jaise koi ehsaas khatam hogaya ho...aur vo bhi is tarha ke apni be-zubani se bhi muh mod kar aage badh jaane chahe jaise...hmmmm kyon hua hai aisa...kya un do lafzon ne,us ek jumle ne rooh ki perwaz chin li ? Aakhir kyon? mohabbaton ke perde kabhi yon bhi chaak hote hain...kisi se wabsta ummiden yon bhi khaak hoti hain...ummid bhi mohabbat hai..mohabbat ki hi ummid hai...beshter Auqat her chah ko raah nahi milti...naya kuch bhi nahi hai..haan ab vo daur nahi raha jahaan her naii mauysi milne waali her naii ummid se behel jaaya karti thi...Ab vo dil bhi nahi raha..jisey behlaya jaa sake....ab ye daana-o-beena jo hogaya hai..

Sabr-o-qarar ki baaz dafa kitni ashad zarurat hoti hai..aur tab ye asaani se haath nahi aatey...koi suni agar un-suni ho sakti tou is siffak khayaal ko pesh karne waale lafzon ko un-suna kiya jasakta tha...per nahi..ye gunj ban chuke hain..ye bazgasht ka roop le chuke hain...yehaan tak ke meri nek-niyaati per sawaal uthaane lage hain...kahin tumhare andar waqi koi chah nahi thi..bahut tatola...ye rishtey tou chahon se hut kar bane they...yehaan khulus ki mehak aati thi...ek aisi mohabbat inka serchasma thi , jo her mehbub-o-marghub dil ko ek dusre se qareeb kar rahi thi...wahaan khahishon ka....numaishon ka bhala kya kaam....

kya mohabbat kisi ek ki meeraas hai? nahi ye ek common wealth hai, ek dusre ki fitraton ka izhaar hai...ye tou us waqt se mehak rahi hai jub se Aaqa dil may samaaye...aur ye us waqt ki baat hai jub shauur ne apni aankhen kholi bhi nahi theen ke dil waa hona shuru hogaya tha...ek khubsurat ehsaas is baat ka gawah hai....ye karam mere khuda ka....vo jisey chahe unka deewana bana de....ye jisey chahe apni ore bula le....ye jisey chahe mohabbat ki raah chala le....ye waqi meeraas hai un dilon ki jo unke naam pe dhadke hain..unke zikr pe tadpe hain..unki hasrat may roye hain....zaar zaar...baar baar...be-shumaar.....