Aaj phir kahin kisi shaye ke chatakhne ki awaz sunaii di..Aah! kahin ye kambakht mera Dil tou nahi..uff..kitna samjhaya gaya isey...phir bhi baz nahi aata...etbaar ki seedhiyaan kitni sura-at se chad leta hai ye...isey shauq jo hai chot khaane ka..isey shauq hai lut jaane ka..isey shauq hai haar jaane ka..isey shauq hai maar khaane ka.....
waqi Aapne sahi kaha..jo nazar aata hai vo hota nahi...andha bharosa andha hi rehta hai.bharosa nahi rehta...shayed is taklif ki shiddat ki ek hi wajah hai...sakun ki gali samjh kar jahaan qadam rakha tha..wahaan bhi namud ki gunjaish nikli...waqi sukun tou apne andar maujud hota hai..apni mohabbat ke yaqeen ka ....log nadaan hain...vo kahaan dil tak safar kar paate hain...vo kahaan jaan paatey hain ke junun ki arzu kya hai?
Dil-e-Be-qarar ki be-qarariyaan badha kar kisi ko kya mila ? koi kahaan kisi ko be-sakun kar ke sakun hasil kar saka...log apne aqal-o-faham ka gumaan karte hain...magar wahaan bhi fareb-e-nazar hai...apni asal tak pahunch nahi paatey..apni haqeeqaton se aankhen milaana hi nahi chahtey...yehaan bhi khahishen hain jabaja..yehaan bhi arzu hai ....gharz her koi gharzmand hai..aur ye na-munasib bhi nahi..haq hai unhen....talab ka....tabir ka....
Aye Mere Dil-e-Nadan...tu ghum se na ghabrana...unka tou sadion se teri gali laga hai aana jaana...patta nahi kyon ansu machal rahe hain...ye pachtawa hai..apni nadani per..jo lafzon ko haqeeqat maan kar haath aaya hai...waqi ye bhi kya kum hai...koi dil ko apni jhuti baaton se hi sahi behla gaya hai..uski koshish ke peeche chupa tamskhar hi shaayed is aziyet ka sabab hai..khair ye khaar bhi phul ban jaayenge...inhen bhi hum apne seene may chupalenge.....
No comments:
Post a Comment