Dorii

Zindgi gar yon hi tamaam hona thi..

kahin maye-kash ka pyaala ,kahin pyaase ka jaam hona thi...

kabhi khudsar,kabhi mudabar ka kalaam hona thi...........

gar bata deti,ke hum kin rahon se guzrenge,

hamaare waaste agle mod per kya achanba hai..

raaz-e-do-aalam ka perda uthaa deti..

manzil tak ka safar ghata deti...

qadam ye kabhi na dagmagatey na kahin girtey..

umr apni be-basi ka shikwa nahi karti..

waqt ki her chaal se gar bakhabar hote...

na kahin koi derd hota ,na aansu apne hi peetey..

khair...hikmat ka diya,andheron ko roshan kar hi jaata hai..

dair se hi sahi samjh may aata hai..

ye jo hersu ulfat ki dori hai...

ye jo hersu rishton ki majburi hai..

raaz paane ko yeh duniya zaruri hai....