Aye meri hunafas mai sunaun aa phir gardish-e-dauraan ke wahi tazkare...khuda ki chahat taley kis tarha chahten insaan ki khud apni zad may aagayeen, apni chahton ki shiddaton say mil kar ghabra gayeen.
Ye dhoke itne haseen kyon hote hain aakhir? inme kho kar admi apni asliyet faramosh karne lagta hai...inhi dhokon ko zindgi maan kar jeene lagta hai...zindgi ka chehra badal deta hai, phir apna chehra bhul jaata hai...
Ek khayaal khalikh ka apni asal say mulaqat ka sabab ban sakta hai...ke usne apni hikmat ko insaan ke amal may poshida rakha hai...gar ek lamha ghaur-o-fikr ka mil jaaye, phir insaan waqt rahte hi sanbhal jaaye...
Kaash aisa ho paata....mumkinaath ko laghzishon ke hawaale hote dekhta reh jaata hai banda...ke khair-o-shar ke darmyaan ek namalum sa perda khahishon ne hi tou buna hai...aur inhi khahishon ne insaan say uska asal maqsad chin liya hai...usey apni asal say mahroom kiya hai...
No comments:
Post a Comment