Ye derd bhi ajab ehsaas hai..kahaan kahaan safar karta hai..ek tees si uthti hai seene may dhuaan sa dil se nikalta hai..iski manzil aankhen hain…ansuon se lamhabhar pehle karb ki intiha se guzarta hai..per isko tou safar karna hai…ehsaas fana kub hote hain..in hi se tou hasti hai..inhi ke saath hikmat rehti hai..insaan ke liye ye raah-e-imtihaan hain…sab jaante huye bhi ke ye derd hi beemaar zindgi ki dawa hain apne kal ki baqa hain..is derd ki shiddat ko ankhon se zaaya hone na dena mushkil marhala hai..isi may chupa derd-e-karbala hai..un azeem qurbanion may dabi dabi aahon ne yehi kaha hai…Rab sab jaanta hai…usey jis bande ka dil marghub hota hai usi ka tamaasha khoob hota hai.....
No comments:
Post a Comment