Saturday, March 6, 2010

Mere Dost



Mere dost tujhey ye kya hua,Tu zamane-bhar se kyon hai khafa , ye tera mizaj kaise badal gaya, teri nerm-dili thi ek nasha , teri kaifiyet ka khumar hai kahaan, teri aadaton may jo shumaar tha, us adal ko kya hua…..teri haqparasti ki mashaal se jaley they dil kaii…teri roshni ka jo sabut they,unhen ab yon na jalaa…ab bhi waqt hai baaz aa…jo ghata usey bhul jaa…insaaf ki maang ye sahi..magar muafi ka ajar hai sab se bada…tere zabt ki misaal de….tu apne sabr-o-malaal ki taazeem kar…ye khuda ki hikmaton ka hai sira…tere karam ki kasoti hai ye…tu dar-e-azeem ka salaar hai…teri sipahgiri se na hai koi gila…tu ban jaa wahi baarishen…tu karde aam phir apni mohabbaten…unhi may chupi hain Rab ki rehmaten….ekbaar meri maan jaa…mujhey meri saansen bakhsh de…meri zindgi karde teri atta…mai jaanti hun mera yaqeen…tere gird hi mahu-e-raqs hai…mere yaqeen ko na azmaa….meri yaqeen ki hayaath tujhi se hai…meri her jeet maat tujhi se hai…teri aabru hai meri…tere derd saare mujh may bhi hain…ye meri khamoshi tteri khamoshi ka haasil hi hai…tere pyaam se ghaafil nahi..tu apne asal se na nikal…Aye Raah-e-junun zara sanbhal.....

Tuesday, March 2, 2010

Ya Rab


Ya Khuda..apne qareeb aane waalon ko qurbaton ki raahen sujha kar unhen rahon may na uljha..tere bande kamzor hain..teri hikmaten israar ...unhen apni raahon per seedhe chala...unhen gumrah se na azma...kyonki imtihanaath tere bandon ke kade hain....uske atraaf khatrey bade hain..dostnuma dushman her taraf khade hain...vo dost jo haath thaam kar manzil ka raasta asaan karte hain kya kabhi vo raah mod kar purkhatar raahon ki taraf raah mod denge? aakhir kyon? kya nafs unka bhi hai? jo unhen raah bhatkane per maayel kardega? bande ki safaii per maamur ahalkar gar khud aaluda hojaayenge phir yaqeen ka kya hoga? vo yaqeen jo ek bhatke huye musafir ko sirat-e-mustaqeem ki taraf lejaata hai...vo yaqeen jo taareek gehraiyon se nikaal kar saaf-o-shafaaf sitah per le aata hai..kya un ka nakhuda unhen kinaron per laa kar gharq kardega...mujhey yaqeen hai tere faiz-o-karam ka yaqeen paar laga dega...

Ya Rab teri rehmath se yehi ummid hai...ke tu apne daman may panaah dega...